Një aksident me pasojë vdekje ka ndodhur mbrëmjen e sotme në Lezhë.
Sipas informacioneve të policisë aksidenti ndodhi në në vendin e quajtur Ura e Merrxhanit, ku një makinë humbi kontrollin duke dalë nga rruga.
“Me datë 25.06.2018, rreth orës 21:06 është marrë njoftim se në Shëngjin, në vendin e quajtur Ura e Merrxhanit, mjeti tip Golf 4 me targa AA 995 BV ka dalë nga rruga ku për pasojë ka humbur jetën drejtuesi i mjetit shtetasi E.Rr. 35 vjeç, banues në Ishull Shëngjin”, tha policia.
Grupi hetimor në bashkëpunim me Prokurorinë e Rrethit Gjyqësor Lezhë po kryejnë veprimet për zbardhjen e plotë të shkaqeve të aksidentit.
