Valon Berisha është ndër lojtarët më të përfolur për të kaluar në Seria A. Ai u lakua për një kalim të mundshëm te Sampdoria, por ngjarjet kanë marrë një rrjedhje të papritur. Klubi i Salsburgut arriti marrëveshje me Sampdorian, por Berisha e ka refuzuar atë.
Kjo ka ardhur sepse ai kishte një ofertë nga Lacio dhe Igli Tare. Sipas mediave italiane Tare ka arritur ta bindë Salsburgun dhe Berishën që sezonin e ardhshëm ai të luaj në kryeqytet. Transferimi mund të arrihet për 7milionë euro, megjithatë detaje për pagën e tij nuk ka ende. Berisha bëri një performancë të shkëlqyer kundër Lacios në Europa Ligë dhe drejtuesit janë bindur pikërisht në atë ndeshje për ta afruar shqiptarin.
