Frank Lampard beson se Anglia ka potencialin për të shkuar larg në Kupën e Botës dhe i ka nxitur lojtarët më me përvojë të “Tre Luanëve” që të rritin dhe të tregojnë kredencialet e tyre të lidershipit.
Lampard ishte pjesë e kombëtares së Anglisë në Kupën e Botës 2014, e cila nuk arriti ta kalonte fazën e grupit, por ai mbetet shpresëdhënës se skuadra e Gareth Southgate do të bëjë më mirë gjatë turneut në Rusi.
Ish-mesfushori i Chelsea, gjithashtu, mendon se ky Botëror do të mund të ofrojë platformën perfekte për fytyrat më me përvojë të Anglisë, për të treguar kredencialet e tyre dhe për të udhëhequr “Tre Luanët” në fazat e fundit të turneut.
“Unë shpresoj në shanset e Anglisë, – tha Lampard për BBC. – Mendoj se nivelet e pritshmërive janë pak më pak dhe kjo është ndoshta një gjë e mirë për skuadrën. Kemi një kombëtare të mirë në aspektin e të rinjve, veçanërisht në zonën sulmuese. Anglia ka disa lojtarë të mirë, që luajnë shumë mirë për klubet e tyre në Premier League.
Unë shpresoj vetëm të mund të bashkohen si një e tërë, Gareth Southgate po punon shumë me skuadrën, me siguri mund të mundim këdo në ditët tona. Pres që ta kalojmë grupin tonë dhe pastaj të shohim sa larg mund të shkojmë. Kupa e Botës është vitrina për liderët e rinj.
Henderson po tregon udhëheqje te Liverpool, Kane me golat e tij është tashmë një lider. Kështu, unë mendoj se kemi lojtarë, që tashmë janë udhëheqës dhe do të bëhen liderë. Turne si Kampionati Botëror janë momente kur duhet të ngrihesh pak”.
