Pasi e nisën Kupën e Botës 2018 me fitore, Japonia dhe Senegali do të synojnë të sigurojnë kualifikimin për në raundin e ardhshëm me një tjetër suksesin në Grupin H, në përballjen e së dielës në Ekaterinburg.
Japonia shtangu Kolumbinë me rezultatin 2-1 me golat e Shinji Kagawa dhe Yuya Osako. Duke luajtur me një vendosje taktike 4-2-3-1, “samurajit blu” ata arritën një sukses që e kishin arritur vetëm një herë në pesë ndeshjet e fundit.
Japonia nuk ka shkuar mirë në miqësoret e fundit kundër ekipeve afrikane me një barazim dhe një humbje në miqësoret e fundit kundër skuadrave të këtij kontinenti, gjithsesi në tre përballje në Botëror me skuadra nga Afrika, Japonia ka arritur dy fitore dhe një humbje.
Për Senegalin kjo do të jetë përballja e parë kundër një ekipi nga Azia.
Senegal mposhti 2-1 Poloninë në ndeshjen e parë të “Rusi 2018” duke përfituar nga një autogol i Thiago Cionek dhe një gol shumë i kontestueshëm nga M’Baye Niang. Kjo e ndreqi diti situatë te ekipi i Cise që la një përshtypje shumë të mirë pasi në pesë miqësoret e fundit kishte fituar vetëm një ndeshje.
Një gjë është e sigurt, skuadra që fiton këtë përballje mund të nisë të mendojë për raundin e ardhshëm.
Osako është futbollisti që la përshtypjen më të mirë te Japonia, duke udhëhequr sulmin e kësaj skuadre, ashtu si bëri Niang për Senegalin.
Japonia ka shënuar më shumë se një gol vetëm në dy nga 12 ndeshjet e fundit në kampionatin botëror. Vetëm një herë në historinë e tyre në Kupën e Botës, skuadra aziatike ka fituar dy ndeshje radhazi.
Senegal ka shënuar të paktën dy gola në shtatë nga dhjetë ndeshjet e fundit që ka luajtur në të gjitha ndeshjet zyrtare. Ata kanë humbur vetëm një nga gjashtë ndeshjet e fundit në Kupën e Botës, katër prej tyre kanë përfunduar me gola të shënuar nga të dyja ekipet.
Formacionet e mundshme:
Japonia: Kawashima; Sakai, Yoshida, Shoji, Nagatomo; Shibasaki, Hasebe; Haraguchi, Kagawa, Inui; Osaka
Senegal: K. N’Diaye; Wague, Sane, Koulibaly, Sabaly; Sarr, A. N’Diaye, Gueye, Mane; Konate, Niang
