Argjentina i ka surprizuar të gjithë, këtë herë jo për mirë por për keq, pasi në dy ndeshjet e para të botërorit “Rusi 2018” ka arritur që të marrë vetëm një pikë kundër Islandës në ndeshjen e parë.
Messi me shokë u turpëruan mbrëmë pasi u mposhtën me rezultatin 3-0 nga Kroacia, duke vendosur në një pikëpyetje të madhe fatet e kualifikimit.
Por, sot në fund të tunelit është shfaqur drita dhe kjo erdhi falë fitores së Nigerisë kundër Islandës në shifrat 2-0. Momentalisht renditja është e tillë: Kroacia 6 pikë, që thuajse ka siguruar vendin e parë pasi me golavarazh është 5-0.
Në vendin e dytë është Nigeri me tri pikë me golavarazh 2-2, dhe i duhet që të fitojë me Argjentinë 3-0 dhe Kroacia të humbasë 3-0 me Islandën që të marrë vendin e parë, por synimi kryesor i tyre është që të mos humbasin kundër Argjentinës dhe të shpresojnë që kroati të mos tolerojë Islandës ose ose të mos humbasë me më shumë se 1 gol diferencë.
Ndërsa Argjentina tashmë ka 50 % të kualifikimit në dorën e vet.
Në rast të një fitoreje të mundshme kundër Nigerisë, Argjentina do të shkonte në kuotën e katër pikëve dhe do të linte automatikisht poshtë Nigerinë që ka 3 pikë dhe shpreson po ashtu si afrikanët që Kroacia mos të tolerojë Islandën.
Renditja:
Kroacia 6 pikë, golavarazhi 5-0.
Nigeria 3 pikë, golavarazhi 2-2.
Islanda 1 pikë, golavarazhi 1-3.
Argjentina 1 pikë, golavarazhi 1-4.
1) Argjentina kualifikohet në rast të një fitoreje minimale kundër Nigerisë dhe Islanda të mos fitojë kundër Kroacisë.
2) Islanda fiton kundër Kroacisë me një gol diferencë, Argjentina duhet të fitojë me të paktën 2 gola.
Shënim: Në rast se dy ekipe përfundojnë me pikë të njejta pas fazës së grupeve merret golavarazhi, nëse golavarazhi është i njejtë merret se cili ekip ka shënuar më shumë.
Për shembull: Argjentina dhe Islanda e mbyllin me nga 4 pikë dhe Argjentina ka shënuar 4 dhe ka pësuar 4, ndërsa Islanda ka shënuar 3 dhe ka pësuar 3 kalon Argjentina.
Nëse edhe golat e shënuar janë barazim total atëherë merren kartonat e marrë, që deri më tani Argjentina është shumë prapa, pasi ka marrë 3 kartona ndërsa Islanda asnjë./Syri.net/
