Njëra nga ndeshjet më të zjarrta të këtij Kampionati Botëror do të luhet sonte me fillim nga ora 20:00 në Kaliningrad
Kanë mbetur më pak se tri orë deri në fillimin e sfidës të cilën po e presin me padurim shqiptarët që duan të shohin Serbinë të poshtëruar në Kaliningrad, shkruan Periskopi.
Xherdan Shaqiri, Granit Xhaka, Valon Behrami e Blerim Xhemajli pritet të jenë startues në njërën nga ndeshjet më emocionuese të tyre në karrierë. Të katërtit e dinë vlerën e këtij takimi dhe këtu nuk vlen thënia që ‘kjo është vetëm një ndeshje futbolli’.
Serbia e nisi mirë Kupën e Botës me fitore ndaj Kosta Rikës, ndërsa ‘Helvetikët’ befasuan të gjithë duke barazuar me Brazilin. Në takimin që do të fillojë në ora 20:00 nuk ka favorit as në bastore pasi të dy skuadrat kanë koeficientin 2.80 për fitore, ndërsa barazimi ka koeficient 3.05.
Kombëtarja e Zvicrës ka një bilanc fantastik në 18 ndeshjet e fundit të zhvilluara ku ka humbur në vetëm një takim. Serbia në pesë ndeshjet e fundit ka pësuar dy humbje, por ka një skuadër me plotë yje që luajnë në klube të mëdha evropiane.
Ylli kryesor i Serbisë llogaritet Milinkovic-Savic, për të cilin ka shfaqur interesim Manchester United, por Lazio kërkon plotë 100 milionë euro për të. E zviceranët shpresojnë shumë te Xherdan Shaqiri, i cili po kërkohet nga shumë klube të njohura angleze pasi Stoke City ra nga Premier League.
Në këtë Botëror shumë ndeshje kanë përfunduar me reuzltat të ngushtë dhe i tillë pritet që të jetë rezultati edhe në ndeshjen Serbi-Zvicër.
