Duke marrë shkas, nga largimi i dyshimtë nga sistemi i drejtësisë i prokurorit Gentian Trenova, ka reaguar edhe deputeti i LSI-së, Përparim Spahiu. Sipas tij, vendimet e dyshimta të KPK-së, janë deformim i rëndë.
“Nuk votova reformën për të goditur profesionistët, as për të goditur ata që nuk rreshtohen me Rilindjen… Vendimet e dyshimta, aspak te besueshme dhe jo në barazi para ligjit të strukturave të Vetting, janë de-formë e rëndë!”, shprehet midis të tjerave deputeti i LSI-së.
Reagimi i plotë i deputetit Pëprarim Sahiu:
Nuk votova reformën për të goditur profesionistët, as për të goditur ata që nuk rreshtohen me Rilindjen.
Kisha dyshime të forta që kjo do të ndodhte. I shpreha ato dyshime dhe më përjashtuan nga grupi parlamentar kur thash se:
“E kuptoj dhe jam dakord që sovranitetin e vendit tonë të përbashkët duhet ta ndajmë me NATO, me KE, shpresoj dhe me BE! Por nuk jam gati të votoj ndarjen e sovranitetit me Operacionin Ndërkombëtar të Monitorimit! Çfarë përfaqësojnë këta?!!”
Vendimet e dyshimta, aspak te besueshme dhe jo në barazi para ligjit të strukturave të Vetting, janë de-formë e rëndë!
