Pas raportimeve të fundit për tërheqjen e njohjes së Pavarësisë së Kosovës nga Liberia, Ministri i Jashtëm serb, Ivica Daçiç, ka thënë se “kjo tërheqje e njohjes është në mesin e dhjetërave të tjera që po shqyrtojnë vendimet e tyre.
“Të paktën dymbëdhjetë vende aktualisht po e masin qëndrimin ndaj Kosovës. Shumë vende e kanë njohur Kosovën pa pasur informacionin e duhur dhe tani, kur e shohin se si ndodhen gjërat, ata po i shqyrtojnë vendimet, kështu që kemi arsye të besojmë se numri i njohjeve do të bjerë nën 100 dhe pastaj e ashtuquajtura Kosova mund të ëndërrojë vetëm të bëhet pjesë e organizatave ndërkombëtare”, tha kryediplomati serb për “Veçernje Novosti”, transmeton Klan Kosova.
Homologu nga Kosova i Daçiçit, Behgjet Pacolli ka përgënjeshtruar lajmet se Liberia ka tërhequr njohjen e shtetësisë së Kosovës.
