Pas humbjes 1-0 ndaj Spanjës, trajneri Carlos Queiroz konfirmoi për gazetarër se dikush nga stafi i tij teknik është shtruar në spital.
Queiroz bashkë me ekipin po festonin si të çmendur gjatë golit të shënuar nga Irani në pjesën e dytë, i cili është anuluar vetëm pak sekonda më pas nga VAR.
Në fund të ndeshjes, trajneri i Iranit është shprehur se një pjesëtar i stafit të tij pati probleme me shëndetin pas golit të anuluar.
“Jemi shumë të shqetësuar për jetën e një prej pjesëtarëve të stafit tonë pas vendimit të VAR,” shprehet ish-trajneri i Manchester United.
“Ai ka shkuar në spital. Shpresojmë të jetë mirë. lutjet tona janë për të.”
Por lajmi i mirë erdhi një ditë më pas. Ai ishte Mohsen Mogamedkia i departamentit të shtypit iranian. Pasi është trajtuar menjëherë, ai është dërguar në spital për teste të tjerë.
Më pas atij i është dhënë leja të rikthehet në kampin iranian.
