Do të luhet në “Kazan Arena” sfida e dytë e Grupit B ajo mes Iranit dhe Spanjës. Skuadra iraniane do të tentojë të përsërisë një tjetër surprizë pas fitores ndaj Marokut, edhe pse kësaj here do të ketë përballë një ndër favoritet kryesore për të fituar trofeun.
Nga ana tjetër, Spanja e ka të “detyruar” fitoren e sotme, për të rivalizuar deri në fund për vendin e parë me Portugalinë. Skuadra iberike, e cila drejtohet nga Hierro, vjen në këtë takim pas barazimimit 3-3 ndaj luzitanëve.
Ndryshe nga ndeshja e parë, tekniku spanjoll ka bërë 2 ndryshime duke ulur në stol Naçon dhe Koken, vendet e tyre i kanë zënë Lukas Vazkez dhe Karvajal. Kjo është përballja e parë mes Spanjës dhe Iranit, pasi skuadrat nuk janë takuar asnjëherë mes tyre.
