“Më quajnë Amanda Southworth, jam 15 vjeç, shkoj në gjimnaz dhe jam ende gjallë”. Me këto fjalë ka nisur diskutimin e saj për Ted nëntorin e shkuar, adoleshentja që i shpëtoi ‘për një fije’ shtatë tentativave për vetvrasje e cila, në një pikë, vendosi t’i japë tjetër zhvillim jetës së saj por edhe jetës së të tjerëve.
Amanda, pasi kaloi më shumë se gjysëm e viteve të saj duke luftuar me anoreksinë, ankthin dhe depresionin, sot jeton në Los Angeles dhe është mirë.
Nga një adoleshente e brishtë dhe e vetmuar, sot është shndërruar në një sipërmarrëse të suksesshme, duke krijuar një aplikacion me titull “Anxiety Helper”, (Ndihmës për Ankthin) për të rinjtë që, si ajo në të shkuarën, gjenden duke luftuar me sulmet e panikut.
Aplikacioni përdor lojra, ushtrime dhe shërbime lokalizimi për të gjetur burime që shpëtojnë jetë në afërsi të vendit ku ndodheni, përveç instruksioneve për miqtë dhe familjarët që kërkojnë, shpesh me mundim, të bëjnë diçka për të përmirësuar situatën.
“Një ditë pyeta veten: Përse nuk krijoj një mjet që do të doja ta kisha në momentet më të errëta të jetës sime? Dhe kështu bëra”, shpjegoi Amanda, e cila e di se një aplikacion nuk mund të jetë e vetmja zgjidhje për ‘trazirat e brendshme’, por mund të jetë një fillim i mirë.
“Dihet që ka mijëra numra për të telefonuar në rast vështirësie, vazhdon ajo, por kush ka ndërmend të vetvritet i druhet mendimit të të tjerëve, ndaj nuk i bie kurrë atyre numrave.”
Takimi i saj me depresionin ndodhi kur ajo ishte vetëm 8 vjeç. Vetëm 2 vjet më pas, nisin edhe mendimet për vetvrasje.
“Familja ime, u transferua nga një qendër e vogël fshati, në një qytet të madh dhe kaotik si Los Angeles, -tregon Amanda-, Për mua kjo donte të thoshte: shkollë e re, shokë të rinj, frikëra të reja. Ndihesha si një U.F.O që sapo kishte zbritur në Tokë.”
Për shumë kohë shqetësimet e saj janë një sekret për t’u menaxhuar, vetëm pas disa vitesh, nisi të fliste për to.
Përgjigjet që mori, në pjesën më të madhe ishin shumë zhgënjyese dhe nuk ndihmonin aspak, si p.sh: ‘Oh Zot, është vetëm një fazë e adoleshencës, dëgjoja të më thonin”
Situata për të nuk ndryshon, shumë herë tenton vetvrasjen.
Të gjitha herët është shpëtuar në minutën e fundit dhe nis të shohë më vonë perspektiva të reja, falë një kursi informatike në shkollë në 2011-n.
‘Teknologjia më shpëtoi jetën’, tregoi adoleshentja
‘Kush ka sulme paniku ka gjithnjë frikë se nuk do të ketë kontroll të situatës, ndërsa nëse je me një kompjuter para dhe krijon diçka që vetëm ti di ta menaxhosh, të duket krejt papritur, se po rimerr frenat e jetës në dorë. Kështu, gjithçka ndryshon! Që atëherë nuk tentova më të vetvritesha.”
Kur Amanda thotë se, falë eksperiencës së saj mund të ndihmojë të tjerët, gjen forcën për të rimarrë në dorë jetën e saj dhe ta koordinojë.
Kontakton ekspertë të ndryshëm, psikologë dhe mjekë të çdo lloji si dhe lexon shumë libra.
Të parët që eksperimentuan aplikcionin ishin shokët dhe shoqet e saj.
Me kohën nisën ta shkarkojnë mijëra përdorues.
“Pak nga pak mora mesazhe nga njerëz që më falenderonin se i kisha shpëtuar jetën, përmes këtij aplikacioni”, deklaron adoleshentja.
Sot Amanda është 16 vjeç dhe ka pak kohë që ka braktisur shkollën e mesme për t’iu dedikuar kompanisë që ka themeluar me titull, “AstraLabs”, financuar nga shumë donatorë dhe një fond prej 25 mijë dollarësh, ofruar nga Toms.
“Jeta më ka mësuar se si gjërat e mira, ashtu edhe ato të këqija në këtë botë, do të vazhdojnë të ndodhin përtej kontrollit tonëq.
Por është pikërisht ajo që arrijmë të bëjmë dhe ç’ka nuk mund ta kontrollojmë, ajo që bën ndryshimin.”
Këto fjalë, dalë në platenë e Ted, nga goja e Amandës, e cila në moshën 16 vjeçare po mendon edhe për dy aplikacione të tjera.
Një nga aplikacionet do u lejojë njerëzve të ndjekin lehtësisht çështje politike dhe sociale, për të cilat interesohen. Tjetra do të ndihmojë njerëzit me skizofreni të kuptojnë, se kur po përjetojnë aluçinacione.
