UEFA hodhi sot edhe shortin për turin e dytë të Ligës së Kampioneve.
Nëse Kukësi arrin të kualifikohet në turin e parë pas dy përballjeve me Vallettën më 10 dhe 17 korrik, atëherë në turin e dytë do të përballet me fituesin e çiftit Olimpija Lubjana-Qarabag.
Me azerët luan prej vitesh kapiteni i Kombëtares, Ansi Agolli, teksa Qarabag shihet si favorit ndaj sllovenëve.
Ndërkohë, Shkëndija e Tetovës, që në turin e parë do të luajë me kampionët e Uellsit, TNS ( The New Saint), nëse kualifikohet do të përballet me fituesin e çiftit Torpedo Kutaisi (Gjerogji) ose Sherif Tiraspol (Moldavi).
