Në kampin e Brazilit pati kontestime për golin e shënuar mbrëmë nga Zvicra në barazimin 1-1.
Edhe Neymar beson se është dashur të anulohet goli i Zvicrës, pasi Steven Zuber shtyu Mirandën para se të shënojë për 1-1.
Sulmuesi i PSG-së ka kërkuar nga gjyqtarët edhe që t’i ofrojnë më shumë mbështetje në fushë pas disa ndërhyrjeve që mori në “Rostov Arena”.
“Mendoj se ishte faull”, tha ai.
“Ju e shikoni rastin në përsëritje, unë e pashë disa herë, por nuk më takon të flas për atë, aty janë katër profesionistë që punojnë. Ata duhet të bëjnë punën e tyre.
Nuk e merituam që ndeshja të përfundojë barazim. Por, ne mund të përmirësohemi, mund të luajmë më mirë. Kjo më shumë na tregoi se asgjë nuk do të jetë e lehtë”, shtoi mes tjerash Neymar.
