Ishte dicka që pritej. Sidoqoftë, ndërmjet Diego Maradona-s dhe Jorge Sampaoli-t, nuk ka ekzistuar asnjëherë një marrëdhënie e mirë. Dhe menjëherë, pas barazimit 1-1 me Islandën, në të cilën ekipi i Amerikës së Jugut dha përshtypjen se ka probleme në prodhimin e lojës, sulmet e Maradonës nuk vonuan. Nga ana tjetër për Messi-n, i cili humbi penalltinë vendimtare, ka vetëm fjalë ngushëllimi. Por në vend të kësaj ai ka zbuluar fajtorin e vetëm tek kombëtarja, i cili është, natyrisht, i vetmi njeri përgjegjës.
Duke folur për emisionin e tij “De La Mano Del Diez” në Telesur, Maradona nuk i kurseu kritikat për trajnerin. “Po vazhdoi me këtë lojë, Sampaoli nuk do të jetë në gjendje të rikthehet në Argjentinë. Është një turp fakti qe nuk kemi një skemë. Duke e ditur se islandezët janë të gjithë një metër dhe nëntëdhjetë, ne luanim me topa të gjatë. Unë nuk dua të fajësoj lojtarët, por mendoj se është punuar shumë pak. Mund të sjellësh edhe 25 trajnerë, por duhet të punosh, sepse e pamë se Islanda ka punuar shumë më tepër se Argjentina dhe kjo më trishton “.
Përkundër kësaj, ai bëri apel për optimizëm. Për më tepër, edhe në vitin 1990 Argjentina e nisi dobët, por pastaj arriti në finale. “Kur fitojmë, humbasim apo barazojmë, jemi gjithmonë njëmbëdhjetë. Por gjithashtu duhet parë se si fitojmë, si barazojmë apo si humbasim. Ne rrezikojmë të humbasim edhe ndeshjet e ardhshme. Kemi shumë probleme, por duhet të përmisohemi, duke besuar në Zot dhe në faktin se ne mund tja dalim. Dhe shpresoj që djemtë të përmirësohen “. Po trajneri? A nuk duhet të përmirësohet edhe ai? Dolëm barazim prej problemeve taktike … “Ata u mbyllën prapa, siç pritej. Dhe ne nuk ishim në gjendje të zgjidhim problemet që na shkaktuan. Argjentina nuk dinte si të sulmonte, Islanda luajti ashtu siç mundte. ” Dhe fajtori, për Maradonën, dihet .
