Trajneri i Koresë së Jugut, Shin Tae-Yong ka përgëzuar Suedinë për fitoren e tyre 1-0 dhe pranon se skuadra e tij duhet të marrë shpejt veten përpara përballjes me Meksikën.
“Në pjesën e dytë kemi bërë disa rregullime për t’u përqëndruar në shpejtësinë tonë dhe kemi arritur të gjejmë mundësi, por Suedia ka luajtur shumë mirë. Në mesin e 32 ekipeve në këtë Kupë Botërore, Suedia është një nga më të lartat, ata janë në gjendje të përfitojnë nga kjo dhe nga gjendja e tyre fizike.
“Ne me të vërtetë donim të fitonim këtë ndeshje. Është për të ardhur keq që nuk kemi mundur të fitojmë sot, por tani objektivi ynë është se ne duhet të përgatitemi shumë mirë për ndeshjen kundër Meksikës, ata do të jenë një kundërshtar i frikshëm. gjej rrugën tonë për t’u përballur me ta “.-tha ai në konferencën për shtyp pas ndeshjes.
Koreja e Jugut ndodhet në Grupin F dhe në ndeshjen e ardhshme do të mas forcat me Meksikën dhe kampionët në fuqi, Gjermaninë.