Ka disa javë që ka nisur hetimi për pasurinë e Agron-Geron Xhafajn.
Pas audio-përgjimit të bërë publik nga PD-ja, Prokuroria e Krimeve të Rënda ka nisur hetimet dhe mes tyre po heton edhe pasurinë e Xhafajve.
Sipas ligjit antimafia, nëse një pjesëtar i familjes hetohet burimin e pasurisë, atëherë duhet të hetohen të gjitha lidhjet e tij.
Pikërisht, pas nisjes së hetimit për Agron-Geron Xhafajn, do të hetohet edhe ministri i Brendshëm, Fatmir Xhafaj, i cili pretendon se nuk ka përgjegjësi për vëllanë e tij.
Sot FaxNews ka mësuar detaje të reja nga hetimi pasuror për vëllain e ministrit të Brendshëm.
Burimet kanë bërë të ditur se Krimet e Rënda kanë nisur shkresë bankave të nivelit të dytë dhe hipotekave.
Hetuesit kanë kërkuar informacion për të verifikuar pasuritë e Agron-Geron Xhafajt, nëse i justifikon ato apo jo.
Xhafaj ndodhet në burg në Romë, pasi është dënuar atje me 7.2 vite burg për trafik droge.
Prokuroria nisi hetimet, pas publikimit të një audio-përgjimi nga Partia Demokratike ku Albert Veliu thotë se ka folur me vëllanë e ministrit për trafikimin e një sasie kanabisi.
