‘Kampionati botëror mund të jetë objektiv i sulmeve terroriste’. Ky ka qënë paralajmërimi i Departamentit Amerikan të Shtetit, i cili këshillon qytetarët të tregohen të kudjesshëm dhe të rikonsiderojnë udhëtimin e tyre. DASH shprehet se objektiva të mundshëm mund të jenë zonat e tifozëve. Nga ana tjetër, Rusia është shprehur konfidente mbi organizimin, duke i cilësuar masat e ndërmarra si të paprecedenta për të garantuar sigurinë e të gjithëve.
Departamenti Amerikan i Shtetit i bën thirrje qytetarëve që të rikonsiderojnë udhëtimin drejt Rusisë ndërsa nënvizon se Kampionati Botëror i Futbollit mund të jetë një objektiv potencial për sulme terroriste.
Në një postim zyrtar, dikasteri i jashtëm i Shteteve të Bashkuara bën të ditur se terroristët mund t’a shohin eventin më të madh futbollistik të globit si një shënjetër tërheqëse.
Në njoftimin e DASH shkruhet se terroristët mudn të godasin në vend-ndodhje të ndryshme përfshirë stadiumet, zonat e caktuara për tifozët, zonat turistike, mjetet e transportit si dhe sheshet ku grumbullohen zakonisht një numër i konsiderueshëm qytetarësh.
Nga ana tjetër, Rusia disa ditë më parë njoftoi se masat që janë marrë për organizimin e kampionatit botëror janë të paprecedenta.
Organizimi ka nisur me një dekret të presidentit Putin, ndërsa zyrtarët vendas theksojnë se po punohet maksimalisht ne terren për të bërë të mundur mbarëvajtjen e takimeve dhe sigurinë e tifozëve.
Risia e këtij edicioni janë kamerat e shumta të sigurisë të vendosura përreth stadiumeve dhe zonave të tifozëve.
Përveç agjensive ruse, në qytetet kryesore ku do të luhen ndeshjet janë edhe 105 përfaqësues të huaj nga 48 shërbime speciale nga mbarë bota të cilët po asistojnë në menaxhimin e aktivitetit
