Çështja e Teatrit Kombëtar ka ndarë në mes dhe gazetarët në vendin tonë, teksa disa prej tyre janë pozicionuar dukshëm pro shembjes së tij, duke i ardhur kështu në ndihmë dhe kreut të Bashkisë së Tiranës, Erion Veliaj.
Kështu në një shkrim të fundit të titulluar ‘’Teatri që ka mbetur Popullor, pa u bërë kurrë Kombëtar’’, gazetarja Iva Tiço i ka mëshuar idesë për prishjen e kësaj godine dhe ngritjen e një teatri të ri.
Po duket se në këtë shkrim të sajin, gazetarja ka hasur dhe kundërshti, pasi në një koment aktivistja e PD-së Bruna Ismaili, i ka kujtuar faktin se do të ishte më mirë që të mos e jepte idenë e saj, pasi ishte në konflikt interesi.
Ajo i përmend Tiços, faktin se gazetarja ka qenë pjesë e ekipit të PR-it në Bashkinë e Tiranës për sheshin Skënderbej. Kjo duket se e ka acaruar paksa gazetaren që ia ka kthyer që meqë ia di zyrën, atëherë të shkonte për një trajtim të yndyrës në fytyrë.
