Policia ka arritur të kapë pas 22 vjetësh, një person të arratisur dhe të dënuar nga drejtësia me 25 vjet burg për vrasje me dashje.
Ai është Kadri Rustemi, 79 vjeç, banues në Lavdan të Mallakastrës. Rustemi është dënuar në vitin 1996, kur ishte 57 vjeç dhe ka arritur gjithë këto vite t’i shpëtojë dënimit.
Edhe pse ka qenë person në kërkim prej më shumë se dy dekadash, 79-vjeçari është arritur të prangoset nga policia vetëm ditën e sotme, pas afro 22-vitesh. Ai ka ekzekutuar në vitin 1996 një person pas një konflikti mes autorit dhe viktimës.
