Pasi Gjykata e Krimeve të Rënda vendosi masën ‘arrest me burg’ për Qemal Selën, ka urdhër shtrim të përkohshëm në psikiatri të 26-vjeçarit që vrau prindërit. Boldnews mëson se i riu nuk ka qenë i vetëdijshëm për të dhënë deklaratën e tij, ndërsa herë pas here fliste përçarët.
Duke marrë shkas nga dyshimet se ai vuan nga problemet e shëndetit mendor, gjykata urdhëroi dërgimin e tij për përkohësisht në spitalin psikiatrik, ndërkohë që priten të dhënat nga raporti mjekësor për 26-vjeçarin. Mësohet se Sela do të dërgohet në spitalin e Shkodrës.
“Nuk kam vrarë prindërit, por dy hije që u ngjanin mamit e babait. Ishin të maskuar dhe do më bënin vaksinë”. Kështu mësohet të ketë thënë i riu para togave të zeza.
I riu dyshohet se në Angli ka qenë i shtruar për tre muaj, në një spital psikiatrik, para se të deportohej në Shqipëri. Kujtojmë se pak ditë më parë 26-vjeçari Qemal Sela vrau prindërit Flamur Sela, 55 vjeç dhe Zeqimete Sela, 50 vjeçe.