Kreu i grupit parlamentar të LSI, Petrit Vasili e ka konsideruar të pazakontë mbylljen e autostradës Tiranë-Durrës në pikun e sezonit turistik.
Postimi i Vasilit në Facebook:
Thonë që priten 10 milionë turistë në Shqipëri këtë vit. Autostradën Tiranë – Durrës e mbyllën këta “strategët” e turizmit pikërisht në startin e sezonit turistik.E padëgjuar kjo bëmë e fundit e këtyre! Po këta,10 milionë turistët, nga do t’i bien për të dalë në det?! Nga kodrat e nga malet i bie, se rrugë tjetër nuk ka!
Po mijëra shqiptarëve, që duan edhe ata të bëjnë pushime, pse ua nxijnë jetën xhanëm! Po atyre që merren me biznesin e turizmit e që duhet të bëjnë furnizime e të presin turistët, pse i torturojnë?!
Pse ia humbasin biznesit, gjithë këto para?! Po ekonominë kombëtare, pse e dëmtojnë?!
Jane të paaftë dhe kaq. Presim tani dëgjesën e radhës të kryeministrit shkollëpak, që t’u shpjegojë njerëzve se sa mirë është t’i bësh gropën turizmit.
Fol kryeministër, fol, se e bëre edhe Shvejkun që të harrohet! Vërtet kryeministër s’ke asnjë faj, se ty s’të duhet gjë për çfarë flet vet.
