Përfaqësuesja e Zvicrës ka udhëtuar ditën e sotme drejt Rusisë, ku do të marrë pjesë në Kampionatin Botëror.
Ekipin helvet në “Rusi 2018” do ta përfaqësojnë katër futbollistë shqiptarë: Valon Behrami, Blerim Xhemaili, Xherdan Shaqiri e Granit Xhaka.
Të katër ishin pjesë e kontingjentit prej 23 futbollistëve në aeroplan dhe dukeshin në humor të mirë.
Zviceranët synojnë të arrijnë suksese në evenimentin që nis këtë të enjte, teksa në grup do të kenë Brazilin, Serbinë dhe Kosta Rikën.