Universiteti Katolik i Uruguait, i dyti për nga rëndësia në vendin amerikano-jugor, i ka njoftuar studentët e tij për pezullimin e aktivitetit mësimor ditët që kombëtarja e kaltër do të luajë në Botërorin e Rusisë.
Të paktën tri ditë pushim do të përfitojnë 10 mijë studentët e universitetit të parë privat në vend.
“Një nga misionet kryesore të studentit është që të jetë i kujdesshëm për realitetin që na rrethon. Sporti është një element që i karakterizon uruguaianët dhe gjithë shoqërinë tonë”, shkruante në letrën e tij zëvendësrektori Alvaro Pacecho.
Skuadra e Tabarezit do ta nisë turneun e saj më 15 qershor, në Ekaterinburg, përballë Egjiptit.
