Turqia ka përfunduar ndërtimin e murit të gjatë 764 kilometra prej betonit në kufirin me Sirinë, bëri të ditur një zyrtar turk të shtunën, raporton Anadolu Agency (AA).
TOKI, kompania shtetërore e ndërtimit, ndërtoi murin prej 564 kilometra, ndërsa administratat e provincave kufitare turke ndërtuan 200 kilometra, theksoi për AA një zyrtar i cili dëshiroi të mbetet anonim.
Ankaraja filloi projektin e ndërtimit të murit prej 826 kilometrave përgjatë kufirit me Sirinë në vitin 2015. Qëllimi i projektit është rritja e sigurisë së kufirit, si dhe përforcimi i luftës kundër trafikimit dhe kalimit ilegal.
Kufiri mes Turqisë dhe Sirisë, në të cilën lufta civile zgjat prej vitit 2011, është i gjatë gjithsej 911 kilometra. Muri ka përfunduar përgjatë kufirit në provincat Şanlıurfa, Gaziantep, Kilis, Hatay, Mardin dhe Şırnak. Zyrtari shtoi se në fund janë punimet edhe mbi murin e sigurisë të gjatë 144 kilometra në kufirin me Irakun.
