I riu Xhafer Mata, baba i një djali të mitur vendosi që të vriste me armë zjarri, Xhuljeta Çunin, 19-vjeçaren që pretendonte se e donte, dhe më pas veten, në mënyrë tragjike në kryeqytet.
Ngjarja e rëndë ka tronditur jo pak opinionin, po sigurisht dhimbja më e madhe është e pranishme në familjet e dy të rinjve.
Miq të tyre kanë ndarë në rrjetet sociale dhimbjen, por edhe trishtimin se pse kjo histori dashurie e parealizuar duhej të përfundonte në këtë mënyrë.
Në profilin e Xhaferit kanë komentuar miq të tij, disa prej të cilëve shprehen se kjo që ai bëri nuk ishte zgjidhje, ndërsa ka dhe një koment vërtetë të fortë, ku një mikeshë e tij shkruan ‘’a mor Xhaf mbylle rininë tënde për një fekale si ajo”.
Nga ana tjetër dje u bë publike në media fakti se Xhuljeta Çuni për disa herë me radhë e kishte denoncuar Matën për përndjekje, ndërsa Policia e kishte kaluar ngjarjen me një premtim të të riut se situata nuk do të përsëritej më.
Sipas familjarëve të Xhaferit, lidhja me 19-vjeçaren kishte bërë që Mata të ndahej dhe nga gruaja e tij, me të cilën kishte dhe një djalë.