Reali i Madridit është vënë në kërkim të zëvendësuesit të Cristiano Ronaldos. Pas lajmeve se fituesi i pesë “Topave të Artë” është drejt largimit nga “Los Blanchos” , skuadra kryeqytetase po përgatitet të afrojë një tjetër sulmues , për të cilin është i gatshëm të shpenzojë shifra të çmendura.
Bëhet fjalë për Neymar , i cili është përfolur prej kohësh si një nder lojtarët më të lakmuar për ekipin e “Santiago Bernabeut” , por tashmë duket se kampionët e Europës po bëjnë çmos që të bëjnë të mundur akordin me bomberin brazilian.
Prestigjozja britanike “The SUN” raporton se klubi i Presidentit Florentino Perez është i gatshëm të sakrifikojë shifrën rekord prej 350 milion eurosh për të siguruar shërbimet e yllit të “Parc De Prince. Duke iu referuar këtyre burimeve, në një nder pikat e kontratës së 26 vjeçarit, shkruhet e zeza mbi të bardhë se Neymar mund të lihet i lirë për 300 milion euro por vetëm pas datës 1 shtator, pra jashtë afatit të merkatos verore, që do të thotë se fantazisti duhet të presë deri në transfertën e janarit për të zbritur në fushën e blertë.
Për këtë arsye, gjigandët madrilenë janë të gatshëm të sakrifikojnë edhe 350 milion euro, për ta pasur të gatshëm brazilianin që në fillim të sezonit. Edhe pse në këtë rast , paratë nuk duket të jenë problem për klubin e La Ligës, ndërsa mbetet për t’u parë nëse Neymar do ta joshë ideja që në sezonin e ardhshëm të përfaqësojë fanellën e “Los Blanchos”.
