Edi Paloka, nënkryetari i PD-së është shprehur sot për shitjen e interesave kombëtare nga kreu i qeverisë, Edi Rama me vendimet e fundit që ka marrë dhe po ndërmerr. Sipas Palokës, Rama ia ka kaluar edhe atyre figurave të historisë shqiptare që trajtohen si simbole të tradhtisë kombëtare, Hamza Kastriotit apo Esat Pashë Toptanit.
“I jep naftën shqiptare, firmës ruso-serbe të Putinit, pasi ka akuzuar PD-në si të lidhur me ruset dhe u ka vene trarin me pagese kosovareve, – shkruan Paloka. – I jep detin me gjithë zonën naftëmbajtëse Greqisë, pasi ka eliminuar krejtësisht Gjykatën Kushtetuese (kështu askush nuk e pengon zbatimin e marrëveshjes që ka bërë). Vetofrohet për të kthyer vendin në një kamp të madh refugjatësh nga Siria dhe Afrika, ndërkohë që ka çuar refugjatë, 400 mijë shqiptarë. Shqipëria është damkosur si ishulli i krimit në Evropë, ky akuzon opozitën se pengon integrimin pasi ka mbrojtur Tahirin e vazhdon të mbajë Xhafajn, ministër të Brendshëm. E ndërkohë shqiptarët vazhdojne të vriten e vetëvriten. Çfarë Hamzai? Çfarë Esat Pashe? Ky është Edvin Rama. Hapni sytë sa nuk është vonë, nga Prishtina në Tiranë,” përfundon Paloka.
