Burri që vrau gruan në Durrës ka pranuar aktin makabër të vrasjes së bashkëshortes së tij. Detajet e reja mbi ngjarjen e ndodhur mbrëmjen djeshme në Durrës, tregojnë se Çlirim Shaholli 42 vjeç qëlloi me mjete të forta gruan e tij Ana Shaholli 40 vjece.
Ndërkohë në polici agresori dëshmoi se e kishte ndërmarrë këtë akt pasi gruaja nuk i kishte hapur dritaren kur kishte vapë.
“Nuk doja ta vrisja gruan time. Të mjerët ne çfarë na gjeti na ndodhi hataja. Kam 6 kalamaj, kush do mi ushqejë tani. Kishim një sherr se kishim vapë dhe unë i thashë ngrihu hap dritaren. Ajo më shtyu dhe unë e shtyva.
Gruaja ra në çimenton e shtëpisë dhe përplasi kokën. Unë e pashë që ishte ne gjendje të rëndë dhe e dërgova në spital”, ka thënë në gjendje të rënduar burri.
Ndërkohë, Tahir Muço, daja i viktimës tregon se agresori ishte xheloz dhe se e dhunonte vazhdimisht mbesën e tij.
