Nëse keni bërë plane për plazh nesër, më parë duhet të mësoni parashikimin e motit. Ditën e nesërme pritet ulje temperaturash me disa gradë dhe reshje shiu në disa zona.
RESHJET – Sot pasdite (e premte, dt.08) dhe nesër (e shtunë, dt.09) pritet të ketë reshje mesatare në qarkun Shkodër dhe të dobëta në të gjitha qarqet e tjera. Në qarkun Shkodër reshjet do të jenë lokalisht intensive, ndërsa në qarqet Lezhë dhe Tiranë ato pritet të jenë lokalisht mesatare. Sipas IGJEUM: Reshjet kryesore priten gjatë pjesës së parë të ditës së nesërme dhe mund të jenë edhe në formë shtrëngate.
TEMPERATURAT – Nesër temperaturat minimale dhe maksimale të ajrit pritet të arrijnë:
Në bregdet: 20 / 25 °C
Në vendet e ulëta: 20 / 27 °C
Në vendet malore: 13 / 22 °C
ERA – Sot pasdite dhe nesër, era do të fryjë mesatare deri e fortë, sidomos në bregdet dhe në terrenet e larta malore. Ditën e nesërme ajo do të dobësohet gradualisht.
ZJARRET NË PYJE – Sot pasdite dhe nesër “S’KA RREZIK” në të gjithë territorin.
