Kuvendi i Shqipërisë do të mblidhet sot në orën 10:00 në seancë plenare sipas një rendi dite të ëprcaktuar si më poshtë.
Por, nuk pritet që seanca të jetë normale, pasi opozita, e cila prej javësh po proteston në çdo komision parlamentar duke kërkuar dorëheqjen e Ministrit të Brendshëm Fatmir Xhafaj, do të insistojë këtë radhë me të zë më të lartë, nga foltorja e Kuvendit të Shqipërisë.
Një javë më parë situata ishte e tillë: kryetari i Kuvendit Gramoz Ruçi tentoi të zhvillojë seancë normale, por deputetët e PD dhe LSI nuk e lejuan duke mos e lëshuar foltoren edhe pse tre herë me radhë Ruçu mbylli mikrofonët dhe ën fund edhe vetë seancën; projektligjet në rendin e ditës u miratuan vetëm nga mazhoranca në mes të thirrjeve të protestës nga opozita.
Edhe pas daljes së mazhorancës nga salla, deputetë e opozitës kanë vazhduar të flasin me radhë nga foltorja e Kuvendit duke denoncuar qeverisjen, kryeministrin dhe bërë thirrje për dorëheqjen ose shkarkimin e ministrit Xhafaj. Fjalimet e tyre u transmetuar nga vetë PD e Lsi përmes rrjeteve sociale.
