Federata e Futbollit të Gjermanisë ka njoftuar se mesfushori, Mesut Ozil, nuk do të luajë në miqësore me Arabinë Saudite.
Sipas (DFB), 29-vjeçari ka probleme me gjurin e majtë dhe nuk do të rrezikohet në miqësoren e së premtes, pak ditë para Kupës së Botës.
“Masë paraprake: Mesut Ozil nuk ka mundur ta kompletojë trajnimin me ekipin në Eppan dhe në vend të kësaj, ka bërë disa vrapime i veçuar. Ai është jashtë për ndeshjen Gjermani – Arabi Saudite për shkak të një plage në gjurin e majtë”, thuhet në njoftimin e Federatës Gjermane të Futbollit.
Ozil do të marrë pjesë për herë të tretë në Kupën e Botës, pasi kontribuoi në vitin 2010 dhe në vitin 2014, ku edhe triumfoi Gjermania.
