Njeri prej protetsuesve kuksianë të arrestuar për revoltën në Rrugën e Kombit ka pësuar infarkt në burg, një arsye kjo për të cilën atij i është dhënë liria nga gjykata. Është dashur veç ky paralajmërim i rëndë dhe kërcënim për jetën e Florian Onuzit që familja e tij ta shihte atë sërish në shtëpi, paçka se opozita po protetson prej muajsh për lirimin e protestuesve të arrestuar.
Ish-kryeministri Sali Berisha e ka ngritur zërin për këtë fakt duke deklaruar sot se “infarkti i miokardit në burg i Florian Onuzit të pafajshëm është një krim i shëmtuar shtetëror!”
“Të dashur miq, – shkruan Berisha në Fb, – mediat njoftojne se Florian Onuzi vjeç 35 nga fshati Nange i Kukesit ka pesuar infark miokardi nga terrori psikologjik i ushtruar ndaj tij me porosi direkte te Edvin Kristaq Urrejtjes.
Ky krim i shemtuar shteteror eshte mbajtur i fshehte nga autoret e tij, çka provon edhe nje here qarte se terrori i tyre mbi Florianin, absolutisht te pafajshem, eshte shkaku direkt i atakut ne zemer.
Duke denuar me ashpersine me te madhe kete akt barbarie, i uroj nga zemra Florianit sherim te plote dhe ju bej thirrje te gjithe qytetareve te Kuksit dhe mbare Shqiperise te krrejme nje minute e me pare nga pushteti kalbesiren e Edvin Kristaq Urrejtjes! ”
