Gjyqi ndaj ish-kryetarit të Bashkisë së Kavajës vijon të zvarritet pafundësisht. Gjykata e Tiranës ende nuk ka vendosur nëse do pranojë ose kërkesën për gjykimin e Rroshit.
Ky i fundit akuzohet për falsifikim dokumentesh pasi në formularin e “Dekriminalizimit”, shkruajti se nuk kishte dënime penale. Por nga verifikimet atij iu gjetën një sërë procedimesh apo dënimesh penale në Itali, Zvicër e Gjermani.
Mbetet ende dilemë se cila gjykatë duhet ta marrë çështjen, e Kavajas apo Tiranës. Gjykata i kërkoi prokurorisë të specifikonte nëse Rroshi e kishte plotësuar formularin në Tiranë apo në Kavajë.
Nga verifikimi rezultoi se plotësimi është bërë në Tiranë e për pasojë në këtë rreth konsiderohet se është konsumuar vepra penale. Por pala mbrojtëse ka kërkuar shtyrjen e seancës për njohjen me të gjitha aktet.
