Presidenti rus Vladimir Putin është takuar me princin e Kurorës së Abu Dhabi, Mohammed bin Zayed Al Nahyan, pas një vizite të këtij të fundit në kryeqytetin Rus, Moskë.
Pas bisedës dhe takimit, Putin e ka ftuar Princin për të kontrolluar makinën e tij nga projekti i ri “Kortezh”.
Ndërsa ata iu afruan limozinës së zezë të parkuar pranë Pallatit të Kremlinit të Madh, Putin i tha të ftuarit të tij se makina është pak më e madhe se një Mercedes.
“Është shumë e rehatshme”, tha princi arab duke u ulur përkrah Putinit, shkruan RT.
Makinat e prodhuara në vend të linjës së re Aurus kanë për qëllim transportimin e zyrtarëve të lartë. Limo kishte debutimin e tij gjatë ceremonisë së betimit të Putinit në maj.
