Kombëtarja shqiptare bëri një tjetër paraqitje zhgënjyese ditën e sotme. Pas Kosovës, edhe Ukraina na tregoi se nuk jemi ajo skuadra e madhe që jemi fryrë mediatikisht.
Një skuadër totalisht zhgënjyese, e cila jep pak shpresë për të ardhmen.
Notat:
Berisha 6 – Bën të pamundurën edhe pse përpara tij askush nuk e ndihmon.
Hysaj 5 – I kudo ndodhur por pa mbështetje. I fortë në dyluftime dhe në ndihmë të skuadrës
Gjimshiti 4.5 – Shumë pak siguri dhe për më tepër nuk arrin të koordinohet me tjerët
Mavraj 4 – ka një mungesë të theksuar organizimi dhe koordinimi. Kundërshtari ishte një hap përpara
Veseli 4 – Trajneri provoi, por ashtu si dhe të tjerët dhe Veseli nuk e bën dot atë pozicion. Në shumë raste mbyllej drejt qendrës
Lilaj 5 – I vetmi që vinte era futboll. U mundua të vendosë rregull në mesfushë, por më shumë se të ndërtonte ju desh të mbronte
Ramadani 4 – Shumë pak dyluftime dhe pak shtysë. Ndihet si i mpirë në fushë
Ndoji 4.5 – Edhe ndryshimi i pozicionit nuk i dha ndonjë avantazh mesfushorit shtatlartë
Roshi 4.5 – Tentoi disa inkursione sporadike, por në asnjë rast nuk kishte mbështetje dhe pika kontakto për vazhdimësi
Lenjani 4 – I humbi fanela në pjesën më të madhe të lojës, pasi pothuaj nuk u përfshi në veprime me skuadrën
Manaj 4.5 – Shumë i vetmuar për të bërë sulmin, ndaj një mbrojtje të qartë
Qaka 4
Memolla 4
Balaj 4
Cikalleshi 4
Ajeti 4
Panucci 4 – Nuk e ka skuadrën nën kontroll dhe për më shumë nuk ka as edhe një ide se ai mund të luajë me këta futbollistë që ka në dispozicion.
