Një 60-vjeçar nga Vlora ka përfunduar në Spitalin e Traumës në Tiranë, pasi është dhunuar nga një 33-vjeçar. Policia ka arrestuar autorin e ngjarjes, shtetasin D. Shahaj, banues në Vlorë. Ky i fundit ka dhunuar fizikisht duke përdorur sende të forta 60-vjeçarin, i cili ndodhet nën kujdesin e mjekëve te Trauma.
Njoftimi i policisë:
Specialistët e Seksionit kundër Krimeve ndaj Personit në Drejtorinë Vendore të Policisë Vlorë, kanë kryer arrestimin e shtetasit: D.Shahaj, 33 vjeç banues në Vlorë.
U krye arrestimi i shtetasit të mësipërm pasi më datë 02.06.2018, në lagjen ”Lef Sallata”, për motive të dobëta, ka dhunuar fizikisht duke përdorur sende të forta shtetasin V.Gj., 60 vjeç, i cili ndodhet në spitalin e Traumës Tiranë, nën kujdesin e mjekëve.
Materialet hetimore iu referuan Prokurorisë së Rrethit Gjyqësor Vlorë, për veprën penale ”Plagosje e rëndë me dashje”, parashikuar nga neni 88 i Kodit Penal.
