“Nuk ka asnjë kërcënim për një tjetër krizë borxhesh në zonën e euros, pavarësisht nga një koalicion anti-establishment që po merr pushtetin në Itali”.
Kështu u shpreh Presidenti i Komisionit Europian, Jean-Claude Juncker, i pyetur nga gazetarët e rrjetit RND të gazetave gjermane, nëse Europa do të përballet me një tjetër krizë.
Juncer u shpreh se: “Jo. Reagimet e tregjeve financiare janë të paarsyeshme. Njerëzit nuk duhet të nxjerrin përfundime politike për çdo luhatje të aksioneve në treg. Investitorët janë gabuar në shumë raste të tillë më parë”.
Një koalicion qeverisës i përbërë nga dy parti populiste armike të euros në Itali, qetësoi tregjet rreth mundësisë së zgjedhjeve të reja apo të një referendumi mbi monedhën e përbashkët.
“Jam i sigurt se Italianët kanë një ndjenjë të mprehtë se çfarë është e mirë për vendin e tyre. Ata do të zgjidhin atë”, përfundoi Juncker.
