Autoritetet në Ukrainë janë kritikuar ashpër pasi kanë inskenuar vrasjen e një gazetari disident rus në Kiev.
Një zyrtar nga Organizata për Siguri dhe Bashkëpunim në Evropë (OSBE) tha se Ukraina po përhapte “informacion të rremë”.
Sipas BBC, Ukraina tha se kishte vepruar për të nxjerrë në pah një komplot rus për të vrarë Arkady Babchenko. Moska tha se ishte provokim. Babchenko, një kritik 41-vjeçar i Kremlinit, u shfaq në një konferencë shtypi në Kiev të mërkurën, një ditë pasi u raportua i vdekur.
Kreu i shërbimit të sigurisë të Ukrainës, Vasyl Hrytsak, tha se një operacion i mirëmenduar ishte ndërmarrë për të kapur vrasësit e paguar nga Rusia.
Policia raportoi se ka një të arrestuar. Marrëdhëniet midis Kievit dhe Moskës kanë qenë të tensionuara qëkur Moska aneksoi Krimenë në vitin 2014 dhe u akuzua për mbështetjen e fshehtë të rebelëve në konäiktin e përgjakshëm në lindje të Ukrainës.
*Reagimi i kolegëve pas “ringjalljes” së gazetarit
