Ajo një prej këngëtareve të afirmuara tashmë në tregun muzikor mbarëshqiptar, e bukur dhe plot sharm. Fjalën e kemi për Era Rusin, e cila e ftuar në Top Show ka ndarë një situatë aspak të këndshme në karrierën e saj.
Gjithçka ka ardhur, kur i është kërkuar për të kënduar në një dasmë. Deri këtu nuk ka asgjë të keqë, por të fiksohet aq shumë babai i dhëndrit, sigurisht që është një situatë aspak e mirë. Diçka e tillë i ka ndodhur Era Rusit, të cilës iu kërkua për të qenë pjesë e një dasme. Mirëpo vuri re se diçka nuk shkonte me babain e djalit që martohej.
“Më mori dikush në telefon dhe më ofroi që të këndoja në dasmën e djalit të tij. Që në takimin e parë vura re që ishte pak e çuditshme sepse pyesja dhëndrin, përgjigjej babai. – I thashë: ‘Më falni zotëri, juve martoheni apo djali? Jo – më tha – e di unë”, – tregon ajo.
Por a foli me dhëndrin ndonjëherë? “Kush ja dëgjoi zërin djalit. Fola me babain”, shton Era duke qeshur.
Më pas, këngëtarja tregon sikletin që kishte për një muaj e gjysmë, deri kur u bë dasma.
“Babai i djalit më merrte çdo ditë në telefon. Kemi dasmë, – më thoshte. Kemi, – i thosha unë! Ditën e dasmës së tij më ngec makina në autostradë dhe i them që më ka ngelur makina. Mos e vrit mendjen, – më tha, – presim deri sa të vish ti. Babi i dhëndrit po më gjuante sade fare, edhe në sy të gruas. Ça do të bësh pastaj? – më pyeti. Do të fle gjumë, – i thashë. Që nga kjo kohë, vendosa të marr menaxher se nuk i përballoja të tjera si kjo”, – tregon Era duke qeshur.
