Mohamed Salah është një njeri i madh si brenda fushës ashtu edhe jashtë saj.
Egjiptiani besimtar i devotshëm i fesë myslimane ka falur Sergio Ramos për ndërhyrjen e tij të ashpër në finalen e Champions Leagues.
“Ndërhyrja e Ramos ndaj meje ishte normale. Këto dëmtime ndodhin në futboll. Nuk fajësoj askënd për dëmtimin në shpatull pasi në këtë sport mund të ndodhin këto gjëra”, tha Salah.
Në këtë mënyrë ai ka hedhur poshtë të gjitha zërat që kanë përfolur se kapiteni i Realit ka bërë një ndërhyrje të qëllimshme ndaj Salah që humbi finalen e Champions Leagues.
Kujtojmë që egjiptiani do të rikthehet me përfaqësuesen e tij në Kampionatin Botëror që starton më 14 qershor.
