Çështja “Tahiri”/ Prokurorët shqiptarë sot në Itali, marrin në pyetje Moisi Habilajn

Moisi Habilaj, i arrestuari si pjesë e përgjimeve të çështjes Tahiri, do të merret sot në pyetje nga prokurorët Besim Hajdarmataj dhe Vladimir Mara.

Hajdarmataj, i cili është dhe kreu i grupit të hetimit për çështjen e ish-ministrit Saimir Tahiri, udhëtoi mbrëmjen e djeshme drejt Katanias.

Gjithashtu në pyetje do të merren edhe Nezar Seiti e Maridian Sulaj.

Ky i fundit u ekstradua në Itali mes polemikave, pasi u kap nga policia shqiptare në Vlorë.

Aktualisht ai mbahet në burgun e Rebibbias, në Romë.