Pasi mori lirinë, Saimir Tahiri i shpëtoi disi dhe vëmendjes së mediave që ishin pozicionuar pranë Gjykatës së Apelit.
Megjithatë makinën e policisë ku ndodhej ish-ministri i Brendshëm e ndoqën disa mbështetës të tij, që kishin ardhur para gjykatës.
Ata ndoqën me vrap makinën e policisë dhe nga xhami tentuan të puthin ish-ministrin e Brendshëm. Ai ndodhej në arrest shtëpie që prej datës 12 Maj, masë e dhënë nga Gjykata e Shkallës së Parë për Krimet e Rënda.
Vendimi u apelua 5 ditë më parë nga pala mbrojtëse, që kërkoi heqjen e masës së sigurisë. Nga ana e saj prokuroria kërkoi arrest me burg.