Gjykata ka lënë në burg pa afat ushtarin 25-vjeçar, Olcion Muço i cili tre ditë më parë tentoi të grabiste me armë një bankë të nivelit të dytë në qendër të Lushnjes.
Ngjarja ndodhi rreth orës 16:00 të 23 majit, ku 25 vjeçari nga Berati, qëlloi me armë në ajër por nuk arriti të marrë para nga bankë.
Policia tha se autori hyri në bankë i maskuar dhe me armë zjarri, ndërsa u arrestua pak pas arratisjes.
Grupi hetimor sekuestroi në cilësinë e provës materiale armën me të cilën u tentua të vidhet banka, maska dhe 1 kapuç.
Gjithashtu në vendngjarje u sekutruan 8 gëzhoja pistolete TT të cilat dyshohen se janë qitur nga pistoleta e autorit.
