Një sërë website amerikane të lajmeve janë përkohësisht të padisponueshme në Evropë, pasi hynë në fuqi rregulla të reja të Bashkimit Europian për mbrojtjen e të dhënave.
“Chicago Times” dhe “LA Times” ishin midis faqeve që kanë njoftuar ndjekësit aktualisht janë të padisponueshëm në shumicën e vendeve evropiane.
Grupi mediatik “Tronc” dhe “Lee Enterprises” ishin gjithashtu të padisponueshëm. Gjigandi mediatik Tronc përfshin: “New York Daily News”, “Chicago Tribune”, “LA Times”, “Orlando Sentinel” dhe “Baltimore Sun”.
“Për fat të keq, faqja jonë nuk është në dispozicion në shumicën e vendeve evropiane. Ne jemi të angazhuar në këtë çështje dhe jemi të përkushtuar të shikojmë opsionet që mbështesin gamën e plotë të ofertave dixhitale në tregun e BE-së”, shkruhet në mesazhin e publikuar prej tyre.
Teksa “Lee Enterprises” publikon 46 gazeta në 21 shtete.
Rregullorja e Përgjithshme e Mbrojtjes së të Dhënave (GDPR) u jep shtetasve të unionit më shumë të drejta se si përdoren informacionet e tyre.
Masa është një përpjekje nga ligjvënësit e Bashkimit Europian, për të kufizuar fuqinë e firmave të teknologjisë.
Sipas rregullave, kompanitë që punojnë në vendet e unionit, ose ndonjë shoqatë apo klub , duhet të marrin aprovimin e përdoruesve, për të mbledhur informacionet personale ose do të përballen me gjoba të rënda.
