Në fushatën e bërë kundër turizmit në disa vende europiane, Rusia ka futur edhe Shqipërinë. Në një artikull botuar në “Tourdom.ru”, u është bërë thirrje zyrtarëve rusë ta heqin nga mendja se pushimet mund t’i kalojë në Mal të Zi, Shqipëri, Zvicër, Francë, Gjermani, Britani etj.
Kreu i shoqatës së sipërmarrësve Rahman Yansukov tha: “Zyrtarët tanë tashmë planifikojnë një pushim veror, duke përfshirë edhe jashtë vendit. Është e nevojshme që menjëherë të shqyrtohen ndryshimet e propozuara. Kjo është arsyeja pse është e papranueshme kur kalojnë pushimet e tyre në vende që vendosin sanksione kundër Rusisë, “tha z. Yansukov.
Ne shtojmë se aktualisht në këtë listë janë destinacione turistike të njohura si Bullgaria, Mali i Zi, si dhe Shqipëria, Zvicra, Franca, Gjermania, Britania e Madhe, Estonia dhe Letonia”.
Sipas përfaqësuesve të shoqatës, zyrtarët duhet të shkarkohen për shkelje të normës së propozuar.
Në të njëjtën kohë, mundësia e miratimit të amendamenteve të tilla në nivel legjislativ është minimal. Siç vërehet nga avokatët, një ndalim i tillë është në kundërshtim me nenin e Kushtetutës RF për lirinë e lëvizjes.