Tre pacientë me Ebola u larguan nga një qendër trajtimi në Republikën Demokratike të Kongos nga familjet e tyre me preteksin për ti dërguar në kishë, sipas Organizatës Botërore të Shëndetësisë (WHO).
Dy prej pacientëve vdiqën më vonë ndërsa i treti u kthye në qendrën e trajtimit në qytetin Mbandaka.
Kjo paraqet një sfidë të re për punonjësit e shëndetësisë që po luftojnë për të ndaluar përhapjen e sëmundjes ngjitëse.
Ebola nuk ka deri tani asnjë kurë.
Zyrtarët e shëndetësisë frikësohen se mund të përhapet me shpejtësi në Mbandaka, një qytet me popullsi të dendur prej një milion.
Izolimi është mënyra kryesore për të mbajtur nën kontroll sëmundjen.
OBSH thotë se 58 raste me Ebola janë regjistruar që nga shpërthimi i epidemisë më 8 maj.
Deri tani kanë ndodhur 27 vdekje, tre prej tyre të konfirmuara si Ebola.
Si u larguan pacientët?
Të afërmit e tyre erdhën në qendër, e drejtuar nga agjencia e ndihmës mjekësore Medecins Sans Frontieres (MSF) dhe kërkoi që ti merrnin për tu lutur në kishë.
Pacientët u morën me motoçikleta dhe policia udhëroi gjetjen e tyre.
Një pacient u gjet i vdekur në shtëpi dhe trupi i tij u kthye në spital për një varrim më të sigurt. Ndërsa tjetri u dërgua përsëri në spital më 22 maj dhe vdiq atë mbrëmje. Stafi bëri përpjekje për ti bindur që të mos largoheshin dhe të vazhdonin trajtimin, por nuk kishin arritur dot.
Familjet e tre pacientëve tani po monitorohen dhe disa prej tyre janë vaksinuar kundër sëmundjes.
