Vëmendja më e madhe në takimet e fundit të kampionatit shqiptar, ishte për të dhënë verdiktin e mbijetesës. Kamza dhe Vllaznia luftonin për një biletë që të ofronte qëndrimin në Superiore edhe për sezonin e ardhshëm. Pavarësisht se të dyja këto skuadra kanë fituar në ditën e djeshme, Kamza e ka fituar këtë duel dhe është skuadra që qëndron në elitën e futbollit shqiptar.
Ironitë nuk kanë të përfunduar nga klubi i Kamzës, teksa nëpërmjet një reagimi në “Facebook”, Vllaznia etiketohet si djepi i “tolerimeve”. “Mirë shkodranët, po korçarët e harruan festën e titullit? Mos vallë e kishin mendjen dhe ata në Tiranë? Estrada e kësaj superlige më në fund mbyllet dhe Kamza është sërish vitin tjetër aty ku e meriton. Futboll i pastër, me meritë dhe djersë, pa hapje portash. Le të dalin tani të qajnë përpara kamerave Hamdia e Martina për djepin e “tolerimeve”. Drejtësia u vendos! Shihemi sërish vitin tjetër për të përfaqësuar denjësisht një qytet të tërë”.
