Nënkryetari i Lëvizjes Socialiste për Integrim, Luan Rama deklaron se vendi ndodhet në një situatë të vështirë politike, përballë vlerësimit që do të bëjë Komisioni Europian, në qershor për hapjen e negociatave.
“Kur do të duhej që mazhoranca e para, por e gjithë klasa politike të demonstronte qëndrim unik sa i përket kontributit për të mbërritur tek çelja e negociatave që në bazamentin e vet të ketë së pari plotësimin e kriterit të parë që është dialogu politik, mazhoranca vjen në mënyrë të një anshme edhe me qëndrimin e vet në raport me vlerësimin që duhet bërë për rekomandimet e raportit të KE”, u shpreh Rama në një dalje për mediat.
Ai shtoi se e gjithë sjellja politike e qeveris dhe e gjithë ajo që ka demonstruar Kryeministri Edi Rama pavarësisht retorikës, është kontribut i vazhdueshëm i qeverisë për të sabotuar çeljen e negociatave me Shqipërinë, si mënyrë për të legjitimuar autoritarizmin.
Luan Rama deklaroi se LSI do të jetë nesër pjesë e seancës me seriozitetin dhe përgjegjësitë e grupit.
Sipas tij, edhe në seancën e nesërme shfaqet e njëjta shfaqje e mazhorancës, rrënimi i parlamentarizmit, pasi tha se, nismat janë të njëanshme si shprehje e arrogancës dhe autoritarizmit.
Ai bëri thirrje për pjesëmarrje dhe reagim në protestën e 26 majit, duke nënvizuar se kjo gjë duhet kthyer në sjellë konstante përballë papërgjegjshmërisë
