Gazetari Jetmir Olldashi i ftuar në “360 Gradë” në Ora News thotë se vetmja mënyrë për t’u mos u frikësuar nga grupet kriminale është publikimi i materialeve si audio-përgjimi me Agron Xhafajn.
Olldashi: Vetëm fakti kur mendon që grupe të fuqishme kriminale mund të jenë të lidhura me Policinë dhe me shtetin sigurisht që mund të jesh në rrezik. E vetmja gjë që mund t’i shmangesh rrezikut sigurisht është të publikojmë atë që bëjmë. Nuk ka një mënyrë tjetër. Nëse unë shantazhohem sot nga këto grupe kriminale, i bie pas 3 vjetësh të ndërroj profesion. Ata po merren me jetën time personale. Le të merren. Unë nuk kam asgjë për të fshehur. Le të merren. Siguria fizike është një element pastaj…jetën na e ka dhënë Zoti dhe Zoti na e merr. Nëse kanë diçka për të bërë le ta bëjnë.
