Nga Boldnews.al
Kryetari i Bashkisë së Tiranës Erion Veliaj (Lali Eri), ishte në Holandë në një takim me kryebashkiakët e këtij shteti dhe në fund Tirana u vlerësua si qyteti që ka bërë më shumë ndryshime mjedisore. Valiaj me një tufë letrash e me statistika të përgatitura nga piar-istët e tij (PR), tregoi e mashtroi pa iu dridhur syri se në Tiranë janë mbjellë mbi 122 mijë pemë, që ka bërë pedonale e lulishte, kënde lojërash, fusha sporti, etj etj.
Askush nuk ia vu në diskutim këto arritje pavarësisht se për mbjelljen e 122 mijë pemëve nevojiten jo pak por një hapësirë sa gjysma e Titranës Urbane. Vërtetë Veliaj futi në duar një çmim për ndryshimin e qytetit, por në Holandë nuk e dinë sa leje pallatesh e kullash ka dhënë Lali Eri. Si gdhin e ngrys Tirana mes smogut dhe zhurmës. Nuk foli për taksat e ngritura që nëse shihen faturat e fryra që duhet të paguajë një qytetar i Tiranës, janë shumë më të larta se të qytetarëve holandez, gjithnjë krahasuar me të ardhurat për frymë që kanë. Nuk ia nxu goja të thotë se dhuruesit e pemëve janë biznesmenë ndërtimi, që nga një anë japin “falas” disa shkurre, e nga ana tjetër ngrenë pallate e kulla që lartësohen në afera korruptive. Gjithashtu nuk përmendi gjobat e mëdha që vihen mbi qytetarët për parkimet e automjeteve, ku thuajse çdo rrugë e kryeqytetit është kthyer me pagesë.
Në Holandë nuk e dinë që Lali Eri ka kthyer Gestapon në Policinë Bashkiake, ku dhunojnë e sekustrojnë mallin e fshtarëve apo shitësve ambulantë. Sepse Lali Eri di të shfaqet në publik me këmisha mëngëpërveshur e fjalë pa fund për të shitur një product që nuk ekziston. Nuk lë ditë pa dalë në televizione në mbjelljen e ndonjë peme, në drekë-darkat e servirura prej tij në qendrat e shërbimit social, apo në inagurimet shtatë herë të Bulevardit të Ri. Hapësirat publike po ngushtohen gjithnjë e më shumë nga lejet e ndërtimit, por Lali Eri këto të vërteta të mëdha di mirë të fshehë, madje ai bën propagandë që Shqipëria nuk po trasformohet vetëm në pjesën urbane kryeqytetase, por edhe nga qeverisa Rama.
“Nëse do të vazhdojmë të tregojmë historinë e transformimit të shtetit dhe qyteteve tona besoj që do e kemi më të thjeshtë teksa negociojmë anëtarësimin e plotë të Shqipërisë në Bashkimit Europian”, tha Veliaj. Pas kthimit në Tiranë Veliaj do dalë sërish në televizione, do gjendet një arsye, për një rrugë të vizuar, për një pusetë të rokonstruktuar, apo për një lule të mbjellë. Sepse ky është pretendenti për çimin Oskar në fushën e aktrimit, mashtrimit dhe piarit (agjitacionit dhe propagandës).
